〔創科乜乜乜〕
而家做傳媒，搞學術，乜都標榜自己走在大數據、創科最前線。我遊走經過西雅圖，呢度作為Amazon總部，梗係去睇吓果間出哂名既「無人超市」，但去到係有啲失望，因為太細間，啲貨品好唔吸引。但好多遊客都係為咗去「打卡」「體驗」而入場，似係一間遊樂場，多於真係會去買嘢。
其實諗番個概念都幾恐怖，大家甘心情願入去畀無限咁多攝影鏡頭紀錄你既一舉一動，自動獻身將你買嘢既行為畀佢分析再分析。所謂私隱，係不存在既。畀網上購物既赤裸程度，又再進一步。
所謂「無人」都係假既，由於太多長者不懂得裝App，門口都係有兩個後生仔幫啲遊人裝App. 而入面補貨既都係真人。
講番啲貨品無嘢揀，我懷疑為咗要遷就個鏡頭，啲貨要大件，擺得好疏，等電眼可以影到，所以咁會影響好多貨品唔可以擺出來。其實行入去感覺似Truman Show咁假。
行咗個圈，乜都唔想買，但為咗測試「佢個嘢有無壞」，唯有勉為其難攞咗包薯片。出咗去成二十分鐘，電腦至出數據證明我買咗呢包嘢，非常滯後。但係無認錯。
但最諷刺既係，真係買嘢既人會行去附近既Whole Foods,果度賣好多標榜有機既食物，美國西岸中產至愛。而謎底係，果間嘢又係Amazon集團既，咁，佢咪又係玩哂囉。
／／無人超市
到訪西雅圖， 最新景點一定是這間所謂「無人超市」。創科巨頭Amazon 總部在西雅圖，公司樓下開設了全世界第一間標榜不用排隊等收錢的Amazon Go 商店，我剛到訪，當然要去試試。
所謂「方便」當然有前設，入場前必須打開它的應用程式。只是這一步有些人已經搞唔掂，不少中年遊客到現場才即場下載，還要由真人職員協助。店門口設有入閘器，要先把應用程式裏的QR code 對準閱讀器才可入內。店面不大，貨品選擇亦少。有人形容「和便利店差不多」，也是實話。我勉為其難選了一包薯片，然後經閘門離場。
離開店後我立即打開手機，它記下我入店時間，未有顯示我買了貨品。我等了二十分鐘，手機才顯示貨品收據，沒錯，我買的薯片是這包，三美元已在信用卡裏扣除。
它是如何做到？該公司保持神秘，但據了解，它用懸掛在頭頂大量攝影機拍下你在店內舉動、幾時拿下什麼貨品，並用人工智能識別，也有說是感應貨架重量。我留意到，店內貨品陳設比較「開揚」，頗「吉」，可能太多貨品層層疊疊會阻隔機器視線。
問心，這裏像一個遊樂場+ 實驗室多一點，而所有人都心甘情願被新科技追蹤，私隱簡直不存在。我跟店員談天，她承認這個意念頗瘋狂：「其實，呢個科技都幾黐線，但大家似乎都樂在其中。」／／
Search